មកស្គាល់ អាហារសម្បូរជាតិខ្លាញ់ ៦មុខ តែផ្ដល់អត្ថប្រយោជន៍សុខភាពនឹកស្មានមិនដល់



ខ្លាញ់ត្រូវបានគេចាត់ទុកថាអាហារសត្រូវរបស់សុខភាពរាងកាយ ដូច្នេះហើយគេក៏មិនមានភ្ញាក់ផ្អើលដែរថា វាផ្តល់ផលអាក្រក់ច្រើនដល់សុខភាព។ ប៉ុន្តែដោយសារតែមានការផ្លាស់ប្តូរកាន់តែច្រើន ការសិក្សាបច្ចុប្បន្នបានបង្ហាញថា ខ្លាញ់ ហើយក៏រួមទាំងខ្លាញ់ប្រភេទ Saturated Fat ទៀតនោះ មិនប្រាកដថាអាក្រក់ទាំងអស់ឡើយ។ រាល់អាហារផ្តល់សុខភាពទាំងអស់ដែលមានជាតិខ្លាញ់នាពេលបច្ចុប្ប្ននេះត្រូវបានគេហៅថា ជាអាហារល្អបំផុត។
ខាងក្រោមនេះគឺជាអាហារមានជាតិខ្លាញ់ផ្តល់សុខភាព មួយចំនួនដែលត្រូវបានគេចាត់ទុកថាមានជីវជាតិ និងផ្តល់សុខភាពល្អបំផុត៖
ផ្លែបឺរ
ផ្លែបឺទំហំមធ្យមមួយផ្លែមានជាតិខ្លាញ់យ៉ាងហោចណាស់ ២៣ក្រាម ប៉ុន្តែជាប្រភេទខ្លាញ់ Monounsaturated Fat។ ផ្លែប័រទំហំមធ្យមក៏មានជាតិសរសៃដែលរាងកាយត្រូវការប្រចាំថ្ងៃយ៉ាងហោចណាស់ ៤០ភាគរយដែរ។ ក្រៅពីនេះវាជាប្រភពដ៏ល្អនៃសារធាតុ Lutein ដែលជាអង់ទីអុកស៊ីដង់សម្រាប់ការពារភ្នែក។ ចូរចាំថា ផ្លែបឺរមានកាឡូរីខ្ពស់ ដូច្នេះ ចូរកុំញ៉ាំវាច្រើនជាងមួយភាគនឲ្យសោះក្នុងមួយផ្លែក្នុងមួយដង។


សូកូឡាខ្មៅ
សណ្តែកកូកូអាមានជីវជាតិសូកូឡាខ្មៅទាំងអស់ដែលវាអាចផ្តល់ឲ្យ ហើយក្នុងនោះមានដូចជា ជាតិដែក កាលស្យូម ប៉ូតាស្យូម និងវីតាមីន A, B, និង E។ ជាមួយគ្នានេះដែរ វាក៏ផ្ទុកទៅដោយសារធាតុ Theobromine ដែលជាអង់ទីអុកស៊ីដង់ដ៏ខ្លាំងក្លាមួយសអាចជួយបញ្ចុះសម្ពាធឈាម និងបន្ថយការរលាកបាន។ ប៉ុន្តែជាមួយគ្នានឹងខ្លាញ់ ៩ក្រាម និងកាឡូរី ១៥០កាឡូរី អ្នកគ្រាន់តែត្រូវការ ២៨ក្រាមប៉ុណ្ណោះនៃសូកូឡាខ្មៅ ៦០ ទៅ៧០ភាគរយ។ ប៉ុន្តែសូកូឡាខ្មៅមានជាតិខ្លាញ់គ្រប់គ្រាន់ប្រមាណ ២៨ក្រាម ដែរ ដែលវានឹងជួយឲ្យអ្នកពេញចិត្តនឹងចំនួននេះផង។
ស៊ុត
ស៊ុតគឺជាប្រភពប្រូតេអ៊ីនដ៏ងាយស្រួល ហើយថោកទៀត។ មនុស្សយើងគិតថា ស៊ុតពណ៌សគឺផ្តល់សុខភាពច្រើនជាង ស៊ុតទាំងមូល ដោយសារតែគេគិតថា វាមិនសូវមានជាតិខ្លាញ់ ប៉ុន្តែខណៈពេលដែលស៊ុតផ្នែកកណ្តាលមានជាតិខ្លាញ់មួយចំនួន វាក៏មានជីវជាតិសំខាន់ៗផងដែរ។ ស៊ុតមួយគ្រាប់មានជាតិខ្លាញ់ប្រហែល ៥ក្រាម ប៉ុន្តែក្នុងនោះមានជាតិខ្លាញ់ប្រភេទ Saturated Fat តែ ១.៥ក្រាមប៉ុណ្ណោះ។ ស៊ុតទាំងមូលក៏ជាប្រភពដ៏ល្អនៃសារធាតុខូលីនដែរ ដែលជាវីតាមីន B ដ៏សំខាន់សម្រាប់ជួយសម្របសម្រួលដល់ខួរក្បាល ប្រព័ន្ធបេះដូងសរសៃឈាម និងសរសៃប្រសាទ។ តាមពិតទៅ ការស្រាវជ្រាវបានបញ្ជាក់ថា ការញ៉ាំស៊ុតក្នុងកម្រិតមធ្យមក៏ពង្រឹងដល់សុខភាពបេះដូងដែរ។


ត្រីសម្បូរខ្លាញ់
សាច់សត្វមួយក្នុងចំណោមសាច់សត្វជាច្រើនដែលផ្តល់សុខភាពនោះគឺត្រីសម្បូរខ្លាញ់ ដូចជា ត្រីសាលម៉ុន សាឌីន ឬ Mackerel ជាដើម។ ត្រីទាំងនេះផ្ទុកទៅដោយប្រូទេអ៊ីនគុណភាពខ្ពស់ អាស៊ីតខ្លាញ់អូមេហ្គាបីដែលល្អចំពោះសុខភាពបេះដូង និងជីវជាតិសំខាន់ៗទាំងអស់។ ការសិក្សាបានឲ្យដឹងថា អ្នកដែលញ៉ាំត្រី គឺងាយនឹងមានសុខភាពល្អជាង មិនសូវមានការប្រឈមនឹងការបាក់ទឹកចិត្ត ជំងឺបេះដូង ភាពភ្លេចភ្លាំង និងជំងឺផ្សេងៗទៀតឡើយ។ បើសិនជាអ្នកមិនញ៉ាំត្រីទេ អ្នកអាចញ៉ាំជាប្រភេទថ្នាំបំប៉នខ្លាញ់ត្រីបាន។
ប្រេងអូលីវ
ប្រេងអូលីវសុទ្ធគឺផ្ទុកទោដោយខ្លាញ់ប្រភេទ Monounsaturated Fat ដែលល្អចំពោះសុខភាពបេះដូង។ ជាមួយគ្នានេះដែរ វាផ្ទុកទៅដោយវីតាមីន K, E និងអង់ទីអុកស៊ីដង់ខ្លាំងៗ។ ប្រេងអូលីវមានជាប់ទាក់ទងនឹងការថយចុះនៃជំងឺបេះដូង និងការស្លាប់លើអ្នកប្រឈមខ្ពស់នឹងជំងឺបេះដូងសរសៃឈាម។ ចូរប្រើប្រាស់ប្រេងអូលីវជាទៀងទាត់សម្រាប់ធ្វើម្ហូប។ គ្រាន់តែប្រេងអូលីវមួយស្លាបព្រាបានក៏មានកាឡូរី ១២០កាឡូរី និងខ្លាញ់ ១៤ក្រាមដែរ។


តៅហ៊ូ
តៅហ៊ូត្រូវបានគេចាត់ទុកថាជាប្រូតេអ៊ីនរុក្ខជាតិ ខណៈពេលដែលវាក៏ជាប្រភពដ៏អស្ចារ្យនៃខ្លាញ់ប្រភេទ Polyunsaturated និង Monounsaturated Fats ដែរ។ ការញ៉ាំតៅហ៊ូ ១០០ក្រាម វាអាចផ្តល់ជាតិខ្លាញ់ប្រហែល ៤ក្រាម។ ជាមួយគ្នានេះដែរ ចំនួនតៅហ៊ូប៉ុណ្ណឹងអាចផ្តល់ជាតិកាលស្យូមតាមតម្រូវការរបស់មនុស្សប្រហែលមួយភាគបួននៃតម្រូវការប្រចាំថ្ងៃ ជាមួយគ្នានឹងប្រូតេអ៊ីន ១១ក្រាម។ អ្នកអាចជំនួសសាច់ក្រហមមកញ៉ាំតៅហ៊ូវិញបានដើម្បីកាត់បន្ថយការញ៉ាំខ្លាញ់ Saturated Fat។ អ្នកក៏អាចប្រើប្រាស់តៅហ៊ូដើម្បីបង្កើនចំនួនប្រូតេអ៊ីនក្នុងខ្លួនបានដែរ៕








Leave a Reply